田蕊妮低胸吊带危站天桥顶 惊动消防员！天文台今早录得最低气温10.3度，系入冬以来最低纪录！当个个包到成只糭时，田蕊妮（阿田）就着上低胸吊带短裙，不过重点系佢竟然危站天桥顶，年尾流流惊动埋消防员添，究竟发生咩事？其实系佢近日忙于拍新剧《她·她·她的少女时代》，拍摄一幕喺天桥上疑似唱歌嘅戏份，见本身着上大衣及戴口罩嘅佢突然除衫，以性感神奇女侠Look示人，不过唔知系咪太危险关系，佢喺社交网自爆消防员都嚟埋：“今日我哋嘅拍摄惊动咗阿sir添！#辛苦晒#立刻离场”唔少网友都叫佢小心啲，笑言“冷静啲落番嚟先讲”，亦有网友心痛佢，话天气咁冻先嚟拍性感戏，慨叹演员真系唔易做呀！
